Jokatu: kirolean euskara sustatzen (Epaileak)

Kaixo! Hemen aurkituko duzu ikastaroari buruzko informazioa

Aurkezpena

Kirola esparru estrategikoa da euskararen normalizazio prozesuan. Ume, heldu, nerabe eta gazteei aisialdian euskaraz gozatzeko aukera eta ohitura zabaltzea dugu gure jendartean erronka nagusi, eta helburu gune honetan.

Kirol eremuko edozein entitate (elkarte, klub, eskola…) eta pertsona gara garrantzitsu prozesu honetan, aldeko jarrera baten bidez modu positiboan eragiteko aukera eta ardura ditugulako, bakoitzak geure neurrian. Zure kasuan, epaile gisa, lehiaketa uneetan, euskarari presentzia emateko egin dezakezun ekarpena handia da, eta modulu honetan zehar, horretarako gako batzuk aurkituko dituzu.

Helburuak

Kirol eremuko edozein entitate (elkarte, klub, eskola…) eta pertsona (entrenatzaile, monitore, teknikari, presidente, mediku…) gara garrantzitsu prozesu honetan, aldeko jarrera baten bidez modu positiboan eragiteko aukera eta ardura ditugulako, bakoitzak geure neurrian.

Erabilera sustatu

Kirolean euskararen erabilera areagotzea.

Hiztunen enpatia

Hiztun ezberdinen arteko enpatia lantzea (norabide bikoa).

Euskarara hurbildu

Haur eta kirolari gazteen hizkuntza ohituretan modu positiboan eragitea.

Lidergoa

Kirol-eremu ezberdinetan ardura duten kide guztien lidergotzaz kontzientziatzea.

Zubiak eratu

Zubiak eraikitzea eta beste errealitate bat sortzea.

Egitura eta metodologia

Ikastaro hau online garatuko da bere osotasunean. Online modalitateak malgutasun handia eskaintzen digu, partaide bakoitzak kudeatu ditzakeelako bere dedikazio espazio eta denbora, markatutako epeen barruan.

Jokatu 9 atalez osatuta dago. Lehenengo 2 atalek hizkuntzak jendartean eta pertsonongan duen eraginaren gainean zertzelada batzuk ematea dute helburu, kokapen gisa.

3. ataletik aurrera kirol esparruan zentratuta, kirol-epaileei euskara gehiago erabiltzeko gakoak ematea da helburua.

Ikastaroaren amaieran azken ebaluazioa izango duzu, eta hau gaindituta, ziurtagiria izango duzu eskuragarri plataforman bertan.